Almaty qalasyndaǵy Qoǵamdyq kommýnikatsiialar ortalyǵynda táýelsiz baqylaýshylardyń aqparattyq shtabynyń jetekshisi Rafael Gasanov jáne «Daýys» qoǵamdyq baqylaýshylar koalitsiiasy» RQB Almaty qalalyq filialynyń basshysy brifing ótkizip, respýblikalyq referendýmnyń ótý barysy týraly málimet berdi. Aqparat megapolistegi jaǵdaimen qatar, jalpy el boiynsha daýys berý protsesin qamtydy.
Almatydaǵy daýys berý ýchaskelerinde toǵyz túrli úkimettik emes uiymnan kelgen táýelsiz baqylaýshylar jumys istep jatyr. Olar daýys berý aiaqtalǵanǵa deiin ýchaskelerde bolyp, obektivti aqparatty Independ.kz saitynda jariialap otyrady. Sondai-aq bul platformada monitoring nátijeleri men daýys berý barysy týraly málimettermen tanysýǵa bolady.
– Tańǵy saǵat 7:00-den bastap jáne referendým kúni boiy shtab «daýys berýdiń tikelei kartasyn» kórsetýdi josparlap otyr. Onda elimizdiń ár óńirindegi ýchaskelerden tikelei qosylymdar bolady. Bul tek resmi málimetter ǵana emes, sonymen qatar oqiǵa ornynan reportajdar, sailaýshylarmen kezdesýler de qamtylady. Táýelsiz baqylaýshylar quramynda jýrnalister, zańgerler, oqý oryndarynyń oqytýshylary, stýdentter, qoǵamdyq belsendiler jáne belsendi azamattar bar. Shtab jumysyna Almaty, Soltústik Qazaqstan, Batys Qazaqstan, Jetisý oblystary men Shymkent qalasynan táýelsiz baqylaýshylar qosyldy. Saǵat 10:00-degi jaǵdai boiynsha daýys berý barysynda eshqandai zańbuzýshylyq tirkelgen joq. Eń joǵary belsendilik Qaraǵandy oblysynda baiqaldy – Ortalyq sailaý komissiiasynyń deregi boiynsha, saǵat 10:00-ge deiin sailaýshylardyń 26 paiyzy daýys bergen. Almatyda bul kórsetkish 9 paiyz bolsa, jalpy el boiynsha 19 paiyzdy qurady, – dedi Rafael Gasanov.
Ol táýelsiz baqylaýshylardyń aqparattyq shtabyn qurý týraly sheshim qoǵamǵa tekserilgen jáne senimdi aqparat usyný maqsatynda qabyldanǵanyn atap ótti.
– Bizdiń úndeýimizge birqatar táýelsiz baqylaýshylar men alty úkimettik emes uiym jaýap berip, bir koalitsiiaǵa birikti. Kúni boiy Independ.kz aqparattyq portaly jumys isteidi, onda tikelei efir júrgiziledi.
Táýelsiz baqylaýshylardyń qataryndaǵy buqaralyq aqparat quraldarynyń ókilderi referendým barysynda sailaý ýchaskelerindegi jaǵdai men óz baqylaýlary týraly tikelei habarlap otyr. Portalǵa kirgen oqyrmandar Almatyda jáne jalpy el boiynsha referendýmnyń qalai ótip jatqanyn birinshi derekkózden, obektivti túrde bile alady.
Rafael Gasanovtyń aitýynsha, shtabtyń basty maqsaty – referendýmnyń ótý barysyn jan-jaqty ári obektivti túrde jariialaý.
