Foto: Instagram/police_almobl
Almatydaǵy «Almaty – Boraldai – Shamalǵan» avtojolyndaǵy temirjol ótkelinde jol apaty oryn aldy, dep habarlaidy Ult.kz.
Oblystyq politsiia departamentiniń habarlaýynsha, kómir stantsiiasynan shyqqan poiyz temirjol ótkelinen qozǵalyp kele jatqan kezde marshrýttyq avtobýstyń júrgizýshisi poiyzǵa jol bermegen.
Qazirgi ýaqytta apat boiynsha tergeý júrgizilýde. Jol apatynan 6 adam zardap shekkenimen, Densaýlyq saqtaý basqarmasy olardyń ómirine qaýip joq ekenin habarlady.
"Zardap shekkender Ile aýdanynyń ortalyq aýdandyq aýrýhanasy men Boraldai kentiniń aýdandyq aýrýhanasyna jetkizildi. Qajetti tekserýlerden keiin olar ambýlatoriialyq emdeýge jiberiledi", – delingen habarlamada.
