Almatyda politseilerdiń kólik qýǵan sáti videoǵa túsip qaldy, dep habarlaidy "Ult aqparat".
Áleýmettik jelilerde Almaty dańǵyldarynyń birinde kóliktiń artynan qýǵan politseilerdiń videosy jariialandy.
Beinejazbadan kólik júrgizýshisi artpen qozǵalyp bara jatqanyn kórýge bolady.
«Rysqulovtaǵy ekshen: júrgizýshi politseilerden qashqan, biraq dóńgelegi ushyp ketip, ony úsh patrýl ekipajy ustap aldy», - delingen jariialanymda.
Politsiia departamenti baspasóz qyzmetiniń málimetinshe, oqiǵa 14 maýsymǵa qaraǵan túni Almatynyń Alataý aýdanynda bolǵan.
«Toyota Camry» markaly avtokóliginiń júrgizýshisi patrýl ekipajynyń toqtaý týraly talabyna baǵynbady. Jasyrynýǵa tyrysty, biraq ony buǵattady. Kólik tizgininde 1966 jylǵy A. esimdi er adam boldy. Ol Ákimshilik quqyq buzýshylyq týraly kodekstiń eki baby, 606-baptyń 1-bóligi jáne 595-baptyń 2-bóligi boiynsha jaýapqa tartyldy», - dep habarlady Almaty qalalyq PD baspasóz qyzmeti.
