Almatydaǵy epidemiologiialyq ahýaldyń birtindep turaqtanýyna orai kovidtik statsionarlardyń qyzmetterin atqarǵan aýrýhanalar qalypty jumys rejimderine kóshýde, dep habarlaidy "Ult aqparat".
Almaty qalalyq qoǵamdyq densaýlyq basqarmasynyń basshysy Nariman Tabynbaevtyń aitýynsha, megapoliste koronavirýspen aýyrǵan naýqastardy aýrýhanaǵa jatqyzý tómendegen. Nátijesinde №1 perzenthana men eki aýrýhana qalypty jumys rejimine oraldy.
«Halyk Arena» sport kesheninde ornalasqan juqpaly aýrýhanasy men Temirjol emhanasy koronavirýspen aýyratyn naýqastardy kútý júiesinen alynady.
Sonymen qatar, ol 1 maýsymnan bastap jedel meditsinalyq járdem kórsetý aýrýhanasy muqiiat dezinfektsiialaýdan keiin burynǵydai jumys isteitini týraly buiryq shyqqanyn aitty.
«Ýaqytsha aýrýhanalar túrindegi qolda bar rezervti jáne qaladaǵy koronavirýsqa arnalǵan tósekterdi eskere otyryp, biz osyndai sheshim qabyldadyq. Almatydaǵy aýrýhanalar burynǵy jumysyna oralady. Olar juqpaly emes aýrýlary bar patsientterdi ózderiniń profilderine sáikes qabyldaityn bolady», - dedi Nariman Tabynbaev.
