Óńirlik kommýnikatsiialar qyzmeti alańynda ótken brifingte Abai atyndaǵy Qazaq ulttyq pedagogikalyq ýniversitetiniń rektory Darhan Bilálov oqytýshylar qaýymy koronavirýsqa qarsy ekpeni jappai saldyrǵanyn aitty, dep habarlaidy "Ult aqparat".
Darhan Bilálovtiń aitýynsha, koronavirýs – búkil álemdi dúr silkindirgen aýrýlardyń biri.
Sondyqtan pedagogikalyq ýniversitettiń qyzmetkerleri óz erkimen vaktsina alý týraly sheshim qabyldady. 298 adam ekpe aldy.
Bul jaqyndarynyń, áriptesteri men stýdentteriniń densaýlyǵyna qamqor bolatyn oqytýshylardyń sanaly tańdaýy.
«Pandemiia barlyq joǵary oqý oryndaryna qashyqtan oqytýdyń jańa tájiribesin ákeldi. Ony umytpaý kerek. Aralas oqytý formatynyń artynda muǵalimderdiń biliktiligin arttyrýǵa múmkindik beretin bolashaq bar. Qashyqtan oqytýdyń jaǵymdy jaqtaryna qaramastan, stýdentter oflain rejimde jaqsy oqidy. Stýdent jastardy ata-analary men jaqyndaryna jaýapkershilik tanytýǵa shaqyramyn. Eger siz aýrý juqtyrsańyz, otbasyndaǵy qart adamdardyń saýyǵýy óte qiyn», - dedi ol.
Rektor oqytýshylardy, stýdentterdi, talapkerlerdi, stýdent jastardy vaktsina alýǵa jáne ujymdyq immýnitetti qalyptastyrýǵa shaqyrdy.
Bul - koronavirýs pandemiiasyna qarsy turýdyń jalǵyz joly jáne qalypty ómir saltyna oralýdyń kepili.
Onyń aitýynsha, mamandardy tarta otyryp, vaktsina jaily túsindirme jumystary júrgizilýde.
