Foto: polisia.kz
Almaty qalasynyń kriminaldyq politsiia qyzmetkerleri páter urlyqtaryna qatysy bar degen kúdikpen qylmystyq toptyń áreketine tosqaýyl qoidy, – dep habarlaidy Ult.kz Polisia.kz-ke silteme jasap.
Aldyn ala málimetterge sáikes, kúdiktiler qala turǵyndarynyń páterlerine zańsyz kirip, baǵaly múlikterin qoldy etken. Jedel-izdestirý is-sharalary barysynda politseiler toptyń barlyq múshesin anyqtap, ustady. Sondai-aq olardyń qalanyń ártúrli aýdandarynda jasalǵan birneshe múliktik qylmysqa qatysy bary belgili boldy. Kúdiktilerdiń áreketinen kelgen jalpy shyǵyn milliondaǵan teńgeni quraidy.
«Páter urlyqtarymen ainalysatyn qylmystyq toptardy áshkereleý jáne olardyń jolyn kesý – politsiia qyzmetiniń basym baǵyttarynyń biri. Bul adamdardy ustaý faktileri politsiianyń qaladaǵy kriminogendik jaǵdaidy turaqty baqylaýda ustap otyrǵanyn, quqyq buzýshylyqtarǵa jedel áreket etip, turǵyndardyń múddesin qorǵaýǵa baǵyttalǵan júieli jumystyń nátijesin kórsetedi. Qazirgi ýaqytta toptyń qylmystyq áreketine qatysty barlyq epizodtardy anyqtaý jáne kináli tulǵalardy zań aldynda jaýapkershilikke tartý baǵytynda jumys jalǵasýda», dedi Almaty qalasy politsiia departamenti kriminaldyq politsiia basqarmasynyń bastyǵy Ashat Dáýletiiarov.
Politsiia azamattardy saqtyq sharalaryn qatań saqtaýǵa shaqyrady: turǵyn úilerdiń esik-terezelerin muqiiat bekitip, kúmán týdyratyn adamdardy baiqasa, "102" arnasyna habarlaýdy suraidy.
