Memlekettik tý ustaǵan 30 veloshabandoz Almatynyń basty kóshelerimen júrip ótti, dep habarlaidy "Ult aqparat".
Almaty veloshabandozdary QR memlekettik rámizder kúnine arnalǵan aktsiiany aiaqtady. Otyz sportshy elimizdiń týyn jelbiretip, qalanyń basty kóshelerimen júrip ótti.
Aktsiiany megapolistiń belsendi jastary, sportshylar, eriktiler men oqýshylar qoldady.
Aita keteiik, mundai velojarys dástúr boiynsha jyl saiyn ótedi. Osylaisha veloshabandozdar azamattardyń nazaryn elimizdiń memlekettik rámizderine aýdardy.
Qatysýshylar B. Momyshuly – Móńke bi kósheleriniń qiylysynan bastap, «Almaty Arena» sport kesheni ǵimaratynyń aldynda márege jetti.
Bul jerde olar QR Ánurany men «Kók týdyń jelbiregeni» patriottyq ánin shyrqady.
Velosherýge Alataý aýdany ákiminiń orynbasary Bektas Sábitov qatysty.
«Jyl saiyn ótetin velojarysty sportshylar men Almaty jastary qoldaidy. Rasynda, memlekettik rámizder elimizdiń jeńisi ári jetistikterimen tyǵyz bailanysty. Sondyqtan bizdiń memlekettik rámizder álemdegi iri sporttyq is-sharalarda erekshe kózge túsedi. Bizdiń otandyq chempiondarymyz olimpiadalar men álemdik jarystarda elimizdiń Týyn maqtanyshpen jelbiretip júr», – dedi ol.
