Buqaralyq aqparat quraldary qyzmetkerleri kúni qarsańynda Almaty qalasynda media salasy ókilderin marapattaý rásimi ótti, dep habarlaidy ult.kz.
Prezidenttiń atynan memlekettik nagradalardy Premer-ministrdiń orynbasary – Mádeniet jáne aqparat ministri Aida Balaeva tabystady.
Úkimet basshysynyń orynbasary sala ókilderin quttyqtap, 25 maýsym kúni Aqordada ótken marapattaý rásiminde Memleket basshysy buqaralyq aqparat quraldary qyzmetkerleriniń eńbegine joǵary baǵa berip, olarǵa rizashylyǵyn bildirgenin atap ótti.
«Barshańyzǵa belgili, kúni keshe Memleket basshysy Qasym-Jomart Toqaev Aqordada BAQ ókilderimen kezdesip, jýrnalisterge memlekettik nagradalar, BAQ salasyndaǵy syilyqtar men granttar tabystady. Prezident óz sózinde aqparat salasy qyzmetkerleriniń eńbegine joǵary baǵa berip, el damýy jolyndaǵy mańyzdy qyzmetteri úshin rizashylyǵyn bildirdi. Al búgin biz Almatyda el igiligi jolynda tabandy eńbek etip júrgen aqparat salasynyń maitalmandaryna qurmet kórsetip otyrmyz», – dedi Premer-ministrdiń orynbasary.
Aida Balaeva memleket sala qyzmetkerlerine júieli túrde qoldaý kórsetip, olardyń kásibi damýyna jáne áleýmettik qorǵalý deńgeiin arttyrýǵa qajetti jaǵdai jasap kele jatqanyn aitty.
Prezidenttiń qoldaýymen keiingi úsh jylda Astana qalasynda 200 jýrnalist baspanamen qamtamasyz etildi. Biyl bul bastama elimizdiń barlyq óńirin qamtyp, aqparat salasynyń 66 qyzmetkerine páter beriledi.
Sonymen qatar jýrnalistikanyń sapasyn arttyrýǵa jáne shyǵarmashylyq izdenisti yntalandyrýǵa baǵyttalǵan «Úrker» ulttyq syilyǵy men «Tumar» televiziialyq syilyǵynyń da mańyzy erekshe.
«Turǵyn úi baǵdarlamalary, memlekettik syilyqtar men granttar, kásibi baiqaýlar jáne basqa da qoldaý sharalarynyń barlyǵy mass-media qyzmetkerleriniń áleýmettik mártebesin nyǵaityp, elimizdiń aqparattyq keńistiginiń sapaly damýyna qolaily jaǵdai jasaýǵa baǵyttalyp otyr. Memleket aqparat salasyn strategiialyq mańyzy bar baǵyt retinde qarastyrady. Sondyqtan jýrnalisterdi qoldaýǵa arnalǵan mundai júieli jumystar aldaǵy ýaqytta da jalǵasatyn bolady», – dedi Aida Balaeva.
Saltanatty is-shara barysynda otandyq jýrnalistikanyń damýyna qosqan úlesi úshin media salasynyń qyzmetkerlerine «Parasat», «Qurmet» ordenderi, «Eren eńbegi úshin», «Shapaǵat» medaldary, sondai-aq Qazaqstan Respýblikasy Prezidentiniń Alǵysy tabystaldy.
Marapattalǵandar tizimi:
Imanbai Jubai – «Parasat» ordeni
Altyn Imanbaeva – «Qurmet» ordeni
Zulhaiat Mahanova – «Qurmet» ordeni
Baǵdathan Múptekeqyzy – «Qurmet» ordeni
Firýza Perzadaeva – «Qurmet» ordeni
Serik Úsen – «Qurmet» ordeni
Bolatbek Asanbaev – «Eren eńbegi úshin» medali
Larisa Asharova – «Eren eńbegi úshin» medali
Toqtar Jaqashov – «Eren eńbegi úshin» medali
Nail Ishmýhametov – «Eren eńbegi úshin» medali
Oleg Kostomarov – «Eren eńbegi úshin» medali
Limara Qazieva – «Eren eńbegi úshin» medali
Aleksandr Nezdemkovskii – «Eren eńbegi úshin» medali
Baian Áltai – «Shapaǵat» medali
QR Mádeniet jáne aqparat ministrliginiń baspasóz qyzmeti
