Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda megapoliste qandai jaǵdaida maska rejiminiń kúshin joiýǵa bolatynyn aitty, dep habarlaidy "Ult aqparat".

«Qalada epidemiologiialyq ahýal tolyǵymen turaqtanyp, vaktsinatsiianyń 70-75% deńgeiine jetkende maska rejimi joiylady», - dedi Jandarbek Bekshin. 

Sanitarlyq-epidemiologiialyq baqylaý departamenti basshysynyń aitýynsha, koronavirýstyń úshinshi tolqynynyń báseńdeýine karantindik shekteýlerdiń engizilgeni oń áser etken. 20%-dyq immýndyq qabatty qalyptastyrý infektsiianyń taralýynyń aldyn aldy, onyń ishinde 14,8%-y vaktsinalanǵan jáne 5%-y sońǵy jarty jylda aýyryp-jazylǵandar. 

Sonymen qatar, ol qala turǵyndaryn sanitarlyq-epidemiologiialyq qaýipsizdik sharalaryn qatań saqtaýǵa jáne koronavirýsqa qarsy turýdyń jalǵyz joly ekpe saldyrý ekenin aityp, vaktsinalanýǵa shaqyrdy.