Búgin Abai atyndaǵy ulttyq memlekettik akademiialyq opera jáne balet teatrynda mádeniet jáne óner qyzmetkerlerin marapattaý rásimi ótti, dep habarlaidy QazAqparat.
Sharaǵa QR Mádeniet jáne sport ministri Aqtoty Raiymqulova qatysty. Ministr elimizdiń mádeniet jáne óner salasy qyzmetkerlerin kásibi merekesimen quttyqtap, birqatar óner adamdaryna «Mádeniet salasynyń úzdigi» tósbelgisi men «Qurmet» gramotalaryn tabystady.
«Mýz-Art» tobynyń qurylǵanyna 20 jyl tolýyna orai, Aqtoty Raiymqulova top múshelerine Elbasy - Qazaqstannyń Tuńǵysh Prezidenti Nursultan Nazarbaevtyń quttyqtaý hatyn oqyp berdi.
Aita keteiik, 21 mamyr – Mádeniet jáne óner qyzmetkerleriniń kúni. Ataýly kún Tuńǵysh Prezident – Elbasy Nursultan Nazarbaevtyń Jarlyǵyna sai 2013 jyldan bastap toilanyp keledi.
«Sońǵy jyldary mádeniet salasyndaǵy qyzmetkerlerdiń ál-aýqaty jaqsardy, jalaqy kóterildi, sala qyzmetkerlerin yntalandyrý, iaǵni azamattarymyzdyń laiyqty ómirin qamtamasyz etý - jumystyń basty basymdyǵy», - dedi ministr.
Sonymen qatar, Aqtoty Raiymqulova kitaphana, mýzei, mádeni-demalys salasyndaǵy qyzmetkerlerdiń kásibi sheberlikterin qoldaý jáne oblystyq mádeniet uiymdarynyń imidjin kóterý maqsatynda uiymdastyrylǵan «Rýhani Qazyna-2021» IV festivali búgin aiaqtalǵanyn atap ótti.
«Elimizdiń 15 óńirinen 300-den astam ótinish tústi. Eń úzdik memlekettik, oblystyq, aýdandyq, aýyldyq mańyzy bar mýzei, kitaphana, mádeni-demalys uiymdary qyzmetkerlerine aqshalai syilyq tabystalady»,-dedi ministr.
