Almatyda qyzmet babynda qaza tapqan politseilerge eskertkish ornatyldy, dep habarlaidy "Ult aqparat".
Alataý aýdandyq politsiia basqarmasynyń bazasynda qyzmettik mindetterin oryndaý kezinde qaza tapqan politsiia qyzmetkerlerin eske alýǵa arnalǵan eskertkish ornatyldy.
Is-sharaǵa Almaty Politsiia departamentiniń basshylyǵy, aýdandyq politsiia basqarmasynyń jeke quramy, ardagerler keńesiniń ókilderi jáne qaitys bolǵan qyzmetkerlerdiń týystary qatysty.
«Eskertkish quqyq qorǵaý organdarynyń qatarynda jáne olardyń týystary men áriptesteriniń esinde máńgi qalǵan tártip saqshylarynyń qurmetine ashyldy. Ókinishke orai, táýelsizdik jyldarynda 37 almatylyq politsei qyzmettik mindetterin oryndaý barysynda, qylmysqa qarsy kúreste qaitys boldy. Bizdiń qasietti boryshymyz – olar týraly estelikti qurmetteý, olardyń erlikterin mura retinde urpaqtan urpaqqa jetkizý jáne otbasylaryna barlyq jaǵynan qoldaý kórsetý», – dedi Almaty qalalyq PD bastyǵynyń orynbasary Ábdýáli Nasharbekov.
Spikerdiń aitýynsha, budan bylai eskertkishtiń aiasynda jas qyzmetkerlerdiń ant qabyldaý rásimi ótedi, al mereke kúnderi saltanatty is-sharalar uiymdastyrý josparlanyp otyr.
