Almatyda jańa oqý jylynan bastap bilim berý mekemelerinde memlekettik attestattaý ótedi.
Bul týraly onlain brifing barysynda Almaty qalasynyń bilim salasynda sapany qamtamasyz etý departamentiniń basshysy Gúlnar Ermekbaeva málim etti, dep habarlaidy "Ult aqparat".
Onyń aitýynsha, attestattaý qaladaǵy bilim sapasyn jaqsartýǵa múmkindik beredi.
Elimizde 2017 jyldan bastap bilim berý mekemeleri kóshpeli komissiialardy iriktedi. Endi barlyq uiymdar attestatsiiadan bes jylda bir ret ótedi. Bul rette negizgi jumys mekemelerdiń ózderine júkteledi.
«Memlekettik attestattaý profilaktikalyq baqylaý nysanyna barmai-aq ótkiziledi. Ol mektepke deiingi uiymda, mektep, kolledj, áskeri jáne arnaiy joǵary oqý oryndarynda ótedi. Menshik nysany vedomstvolyq júiege qaramastan mekemelerdiń barlyq túrlerin qamtidy. Mektep, kolledj, balabaqshalar oqýshylardyń bilimin tekserý, ata-analarǵa saýalnama júrgizý, bilim berý uiymynyń ózin-ózi baǵalaýy arqyly iske asady», – dedi spiker.
Sonymen qatar, ol halyqaralyq tájiribede keńinen qoldanylatyn bilim berý uiymdarynyń ózin-ózi baǵalaýy týraly aitty.
«Mekeme usynatyn bilim sapasyn ózderi taldaýy kerek. Bul júie bilim berý tájiribesin jetildirýge baǵyttalǵan. Iaǵni, memlekettik attestattaýdy ótkizý ókilettigi negizinen bilim berý uiymdaryna júkteledi», – dedi Gúlnar Ermekbaeva.
Bastaýysh synyp oqýshylary eki pán boiynsha, joǵarǵy synyp úsh jáne tórt pán boiynsha test tapsyrady. Tehnikalyq jáne kásiptik bilim berý uiymdarynda stýdentterdiń bilimin eki beiindik pán boiynsha tekseredi. Mektepke deiingi tárbie men oqytý deńgeiinde ata-analarǵa saýalnama júrgiziledi.
Bes jyl ishinde barlyq balabaqsha, mektep pen kolledjder memlekettik attestattaýdan ótedi. Bul bilim berý sapasyn jaqsartady ári uiymdardyń dárejesi artady.
Aita keteiik, Almatyda 207 memlekettik jáne 67 jekemenshik mektep, 189 memlekettik pen 643 jeke menshik balabaqsha, 96 kolledj, 39 joǵary oqý orny bar.
Olardyń barlyǵy attestatsiiadan ótedi.
