Maýsym aiynda Almatyda koronavirýstyń taralýy eki ese azaidy. Bul týraly Almaty qalasy sanitarlyq-epidemiologiialyq baqylaý departamentiniń basshysy, qalanyń bas memlekettik sanitarlyq dárigeri Jandarbek Bekshin málimdedi, dep habarlaidy "Ult aqparat".
Óńirlik kommýnikatsiialar qyzmeti alańynda sóilegen sózinde ol aýrýdyń joiylmaǵanyn, ótken táýlikte megapoliste koronavirýs infektsiiasynyń 112 jańa jaǵdaiy tirkelgenin aitty.
Jandarbek Bekshin epidemiologiialyq jaǵdaidy turaqtandyrý aiasynda halyqqa vaktsinatsiia eń mańyzdy mindet bolyp qala beretindigin atap ótti. Sonymen qatar ol sanitarlyq talaptardy saqtaý kerektigin eske saldy.
«12 maýsymnan bastap Almaty «jasyl» aimaqta. Aidyń basynan bastap koronavirýstyq aýrý 2 ese azaidy. Ótken táýlikte KVI aýrýynyń 112 jaǵdaiy tirkeldi, kúndelikti ósim 0,1% deiin tómendedi», - dedi Jandarbek Bekshin.
Ol epidemiia bastalǵannan beri Almaty qalasynda 71 820 aýrý tirkelgenin, al osy jyldyń basynan beri 53 000-nan astam jaǵdaidyń oryn alǵanyn eske saldy.
«Halyqtyń 100 myń turǵynyna shaqqandaǵy taralý deńgeii sońǵy 7 kúnde tómendeýde - reprodýktivti sany 0,79-da turaqtanǵan jaǵdaida 64,7-den 39,8-ge deiin tómendedi, bul «jasyl» aimaq parametrlerine sáikes keledi» - dep túsindirdi Almaty qalasynyń bas sanitarlyq dárigeri.
Jandarbek Bekshin Almaty qalasynyń bas memlekettik sanitarlyq dárigeriniń jańa jarlyǵy daiyndalǵanyn jáne 19 maýsymnan bastap kúshine enetinin aityp ótti. Jańa qujatqa sáikes, kásipkerlerge birqatar jeńildikter aiqyndalady.
Eske sala keteiik, ótken táýlikte Qazaqstanda koronavirýstyq infektsiia boiynsha oń PTR-men 1145 jaǵdai anyqtaldy.
