Foto: ashyq derekkóz
14 aqpan kúni almatylyq arýǵa gúl jetkizý qyzmeti habarlasyp, tapsyrysty tabystaý úshin mekenjaiyn suraǵan. Keshki saǵat 21:00 shamasynda kýrer kórsetilgen mekenjaiǵa kelgen. Bul týraly Ult.kz Qaz365.kz saityna silteme jasap habarlaidy.
Jábirlenýshiniń aitýynsha, ol aldymen turǵyn úidiń kireberis esigin ashyp, kýrerdi óz qabatyna deiin ótkizgen. Keiin páteriniń esigin ashyp, kólemdi gúl sebetin bólme buryshyna qoiyp berýin ótingen. Sol sátte kýrer qyzǵa qatysty jynystyq sipattaǵy áreket jasap, halatyn ashyp, denesine qol tigizgen. Oqiǵa birneshe sekýnd ishinde bolǵan. Qyz ony dereý páterden qýyp shyqqanyn jáne qatty qoryqqanyn jetkizdi.
Almaty qalalyq politsiia departamenti atalǵan jait boiynsha ákimshilik is qozǵalǵanyn málimdedi. Sonymen qatar InDrive kompaniiasy qyzmetkerge qatysty ishki tekseris júrgizip jatqanyn habarlady.
