Almatynyń bas sanitarlyq dárigeri Jandarbek Bekshin onlain brifing barysynda aldaǵy Ait kezinde qurbandyq shalý rásimi qalai ótetinin aitty, dep habarlaidy QazAqparat.
Onyń aitýynsha, Qurban ait merekesi byltyrǵy formatta, iaǵni onlain rejimde ótedi.
«Byltyr biz alǵash ret qurban aitty onlain rejimde ótkizdik. Ótken jyldyń tájiribesi sadaqanyń da, qurban shalýdyń da bolǵanyn kórsetti. Onlain rejiminde ótkizýge bolady. Qurban-2021 saity arqyly sadaqa, sondai-aq «qurban shalýdy» uiymdastyrýǵa qarajat túsedi. Qurbandyqqa shalynǵan mal Almaty oblysynyń Qarasai aýdanyndaǵy arnaiy orynda soiylady», – dedi ol.
«Byltyr bári uiymdasqan túrde ótti. Din isteri basqarmasy, Almaty múftiimen birlesip, byltyrǵy tájiribeni talqylaimyz», - dedi qalanyń bas sanitar dárigeri.
Aita keteiik, 2021 jyly Qurban ait 20-22 shilde aralyǵynda ótedi. Qurban ait Oraza aittan 70 kúnnen keiin bastalyp, 3 kúnge sozylady.
