Almatyda koronavirýstyń úndi shtamyn juqtyrǵandar sany kúrt ósti. Bul týraly qalalyq sanitariialyq-epidemiologiialyq baqylaý departamenti málim etti, dep habarlaidy "Ult aqparat".
«Almaty qalasynyń sanitariialyq-epidemiologiialyq baqylaý departamenti mýtatsiiany anyqtaý úshin COVID-19 qozdyrǵyshyna kúndelikti monitoring júrgizetini belgili. Búgingi kúni syrqattanýshylyqtyń kúrt ósýi (1-den 10-ǵa deiin) tirkeldi, jalpy alǵanda «delta» (úndi) shtammynyń oń synamalardyń úles salmaǵy 23%-ǵa deiin ósti», - dep habarlady vedomstvadan.
Eger Almaty qalasynda «delta» (úndi) shtammy buryn bir synamada anyqtalǵan bolsa, qazirgi dinamikada 3 táýlikte 10 synamaǵa deiin ulǵaidy.
«Osyǵan bailanysty, biz qala turǵyndaryna burynda aitqanbyz jáne qaita eskertemiz: sanaly túrde COVID-19-ǵa qarsy ekpe alý kerek. Taǵy bir ret eske salsaq, «delta» COVID-19 shtammynyń halyq arasynda taralýy aýrýhanaǵa jatqyzý jáne ólimniń joǵarylaý qaýpine ákeledi. Sondyqtan maska rejimin, áleýmettik qashyqtyqty saqtai otyryp, halyq kóp jinalatyn oryndar men is-sharalarǵa barýdan qatań saqtaný kerek», - dep atap ótti basqarmadaǵylar.
