Almaty qalasynda bir táýlikte 6 032 adam koronavirýsqa qarsy vaktsina saldyrdy, dep habarlaidy "Ult aqparat".
Basqarma taratqan málimetke sáikes, 15 maýsym kúni 6 032 almatylyq vaktsina saldyrdy. Biylǵy jyldyń 1 aqpany men 15 maýsym aralyǵynda qalada barlyǵy 351 497 adamǵa ekpe salyndy.
Vaktsina alǵandardyń jalpy sanynan 60 jastan asqan qart kisiler - 39 026 .
Qalada 211 pýnkt jumys istep tur. 1 257 adamnan turatyn 304 egý brigadasy bar. Sonymen qatar, 40 kóshpeli mobildi brigada uiymdastyryldy.
«Qazirgi meditsinalyq uiymdarda, mektepterde, mádeniet, sport obektilerinde, bazarlar men qalanyń SOSO-da vaktsinatsiia pýnkti jumys isteidi» - dep naqtylady Qoǵamdyq densaýlyq saqtaý basqarmasy.
«Qala boiynsha vaktsinanyń qaldyǵy – birinshi komponenttiń 69 853 dozasy jáne ekinshi komponenttiń 105 778 dozasy bar» - dep habarlady Almaty qalasy Qoǵamdyq densaýlyq basqarmasynyń baspasóz qyzmeti.
Aita keteiik, 10 maýsym kúni Almaty qalasy Qoǵamdyq densaýlyq basqarmasyna qytailyq «Sinovac Biotech» kompaniiasy shyǵarǵan CoronaVac vaktsinasynyń 46 000 dozasy (1 jáne 2 komponent) jetkizildi.
