Almaty qalasynda bir táýlikte 3 631 adam koronavirýsqa qarsy vaktsina saldyrdy, dep habarlaidy "Ult aqparat".
Qoǵamdyq densaýlyq saqtaý basqarmasy taratqan málimetke sáikes, 9 maýsym kúni 3 631 almatylyq vaktsina saldyrdy.
Biylǵy jyldyń 1 aqpany men 9 maýsymy aralyǵynda qalada barlyǵy 325 131 adamǵa ekpe salyndy. Onyń ishinde 5 154 politsiia qyzmetkeri, 24 421 muǵalim, 29 634 meditsina qyzmetkeri bar.
Vaktsina alǵandardyń jalpy sanynan 60 jastan asqan qart kisiler – 30 954.
Ekpeniń eki komponentin 210 620 adam aldy.
Qalada 208 egý pýnkti jumys istep tur. 1 256 adamnan turatyn 307 egý brigadasy bar. Sonymen qatar, 40 kóshpeli mobildi brigada uiymdastyryldy.
Qazir meditsinalyq uiymdarda, mektepterde, mádeniet, sport obektilerinde, bazarlar men qalanyń saýda, oiyn-saýyq ortalyqtarynda vaktsinatsiia pýnkteri jumys isteidi.
«Qala boiynsha vaktsinanyń qaldyǵy – birinshi komponenttiń 55 424 dozasy jáne ekinshi komponenttiń 111 195 dozasy bar» - dep habarlady Almaty qalasy Qoǵamdyq densaýlyq basqarmasynyń baspasóz qyzmetinen.
