Almaty qalasy 1 maýsymda «sary» aimaqqa kóshkenimen, epidemiologiialyq jaǵdai kúrdeli. Bul týraly onlain brifing barysynda qalanyń bas memlekettik sanitar dárigeri Jandarbek Bekshin málim etti, dep habarlaidy "Ult aqparat".
Almatynyń bas memlekettik sanitarlyq dárigeri «qyzyl» aimaqtan «sary» aimaqqa ótý kezindegi qoldanystaǵy shekteý sharalary 7 kún ótkennen keiin kúshine enetin belgili bir jeńildiktermen saqtalatynyn atap ótti.
Onyń aitýynsha, «sary» aimaqtyń ólshemderi 1 (birlikten) kem nemese oǵan teń R sany (juqtyrý kórsetkishi) men júzden kem nemese oǵan teń 100 myń turǵynǵa shaqqandaǵy syrqattaný kórsetkishi bolatynyn túsindirdi.
«Qazirgi ýaqytta Almatyda 7 maýsymdaǵy jaǵdai boiynsha 100 myń turǵynǵa shaqqanda KVI-men syrqattanýshylyq kórsetkishi 64,7, iaǵni 100-den tómen, onyń ishinde R=0,7. Almaty qalasy 1 maýsymda «sary» aimaqqa kóshkenimen, epidemiologiialyq jaǵdai kúrdeli. COVID-19 juqtyrý qaýpi joǵary»,- dedi ol.
Jandarbek Bekshin atap ótkendei, júrgizilgen shekteý sharalarynyń nátijesinde KVI-men aýyrý azaidy. Atap aitqanda, buqaralyq is-sharalarǵa tyiym salý, bazarlardyń, SOSO-nyń, jazǵy alańdardy qospaǵanda, qoǵamdyq tamaqtaný oryndarynyń jumysyna tyiym salý, demalys kúnderi áleýmettik bailanystardy azaitý maqsatynda, sondai-aq halyqqa vaktsina salý.
