Almatyda «qyzyl» mártebesi bar turǵynǵa kinoteatrǵa barǵany úshin aiyppul salyndy. Bul týraly qalalyq epidemiologiialyq baqylaý departamenti basshysynyń orynbasary Sádýaqas Baiǵubylov málim etti, dep habarlaidy "Ult aqparat".
«PTR-synamasy oń nátije kórsetken Almaty qalasynyń turǵyny 14 kúndik karantin rejimin buzyp, kinoteatrlardyń birine barǵan. Biraq QR-kodty skanerlegen kezde qyzdyń Ashyq qosymshasy «qyzyl» mártebe kórsetken. Osylaisha, ol kinoteatrǵa kire almady», - deidi Almaty qalalyq sanitariialyq-epidemiologiialyq baqylaý departamenti basshysynyń orynbasary Sádýaqas Baiǵabylov.
Turǵynǵa qatysty oqshaýlaý rejimin buzǵany úshin Túrksib aýdany boiynsha sanitariia dárigerleri QR ÁQBtK 425-baby boiynsha ákimshilik is qozǵady.
Baptyń sanktsiiasy 30 AEK mólsherinde aiyppul salýdy kózdeidi.
«PTR-synamasy oń nátije kórsetken almatylyqtardy 14 kúndik karantin rejimin saqtaýǵa shaqyramyz. Bul turǵyndar arasynda koronavirýs infektsiiasynyń taralýyn azaitýǵa jáne «jasyl» aimaqta turaqty túrde qalýǵa múmkindik beredi», - dedi Sádýaqas Baiǵabylov.
