Almatyda sońǵy eki aptada virýs juqtyrǵandardyń sany eki esege kóbeidi. Bul týraly onlain brifing barysynda qalanyń memlekettik bas sanitarlyq dárigeri Jandarbek Bekshin málim etti, dep habarlaidy "Ult aqparat".
«Sońǵy 2 aptada koronavirýs aýrýy 2,1 ese ósti (1143-ten 2377 jaǵdaiǵa deiin), sońǵy táýlikte indet 305 adamnan anyqtaldy, táýliktik ósim 0,4%-dy qurady. Almaty qalasyndaǵy epidemiologiialyq jaǵdai aǵymdaǵy jyldyń 17 maýsymynan bastap kontagiozdy mýtatsiialanǵan «delta» shtamynyń taralýyna bailanysty kúrdelene tústi, ortasha táýliktik PTR oń nátijeleri sońǵy 7 kúnde aldyńǵy 7 kúnge qaraǵanda 130-dan 215-ke deiin jetti», - deidi ol.
Sonymen qatar, Jandarbek Bekshin 18 maýsymnan bastap mýtatsiialanǵan shtamdarǵa zertteýler júrgizilip jatqanyn aitty.
«Koronavirýsty juqtyrǵandar sany kúrt ósti. Osyǵan bailanysty Almaty qalasynda mýtatsiialanǵan shtamdardyń bolýyna zertteýler júrgizildi, nátijesinde koronavirýs naýqastarynan PTR+ bar 131 úlginiń ishinde mynadai shtamdar anyqtaldy: 77-de (59%) alfa (Britandyq), 46-da (35%) delta (Úndi), onyń 45-inde sońǵy 3 kúnde, 2-de (1,5%) gamma (Ońtústik Afrika) jáne 1-de (0,8%) betta (Niý-Iork). Iaǵni, birjaqty qorytyndy alyndy – eger buryn epidemiologiialyq jaǵdaidyń kúrdelenýi alfa shtamymen bailanysty bolsa, qazirgi ýaqytta COVID-19-dyń ósýi Nur-Sultan qalasy men Reseiden ákelingen delta shtamynan týyndap otyr», - dedi ol.
Jyl basynan beri Almaty qalasynda 56 138 adam koronavirýs juqtyrdy.
