Almatyda koronavirýs juqtyrǵandar sany eki esege ósti, dep habarlaidy "Ult aqparat".
Sanitarlyq-epidemiologiialyq baqylaý departamentiniń derekteri boiynsha ótken aptada koronavirýs 1,7 esege ósip, sońǵy táýlikte 299 adamnan virýs anyqtaldy. Táýliktik ósim - 0,3%.
7 shildedegi jaǵdai boiynsha qalada koronavirýs infektsiiasynyń 76407 jaǵdaiy tirkeldi, onyń 59660-y simptomdy jáne 16747-si simptomsyz, anyqtalmaǵan pnevmoniia - 2013.
6 shildede koronavirýs infektsiiasy 299 adamnan anyqtaldy. Onyń 259-y simptomdy, 40-y simptomsyz. Táýliktik ósim - 0,3%. Reprodýktivti sany - 1,353.
Infektsiialyq statsionarlarda 1131 adam (80 bala) emdelýde, onyń 33-iniń jaǵdaiy óte aýyr, 256-sy aýyr, 842-si ortasha aýyrlyq dárejesinde.
Reanimatsiia men intensivti terapiia bólimderinde 102 patsient jatyr. Jasandy tynys alý apparatynda - 19, invazivti emes tynys alý apparatynda - 34, High flow apparatyndaǵylar - 22.
Almatyda 7 shildedegi jaǵdai boiynsha vaktsinany 534 199 adam aldy, onyń ishinde 5 240 politsiia qyzmetkeri, 29 501 muǵalim, 34 229 dáriger. Vaktsinalanǵandardyń jalpy sanynan 60 jastan asqandar 87134 adamdy quraidy (16,3%).
Qalanyń sanitarlyq epidemiologiialyq baqylaý departamenti egde jastaǵy azamattardy belsendi túrde vaktsinalanýǵa shaqyrady, óitkeni vaktsina sozylmaly aýrýy bar naýqastardyń infektsiia juqtyrýlarynyń aldyn alady.
Búgingi tańda qalada meditsinalyq uiymdarda, mektepterde, mádeni-sporttyq mekemelerde, bazarlarda jáne qalanyń SOSO-da 212 ekpe pýnktteri jumys jasaýda. Quramynda 1260 adam bar 308 ekpe brigadasy jumyldyrylǵan.
