Almatyda koronavirýs juqtyrǵan 660 naýqas em qabyldap jatyr. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaidy "Ult aqparat".
28 maýsym kúngi aqparat boiynsha, bir táýlikte qalada 216 adam koronavirýs juqtyrǵan. Munyń ishinde simptomdy, jeńil jáne ortasha deńgeidegi belgilermen – 93, simptomsyz – 33 naýqas tirkeldi.
Barlyq emdelip shyǵarylǵandar – 121, kelip túskeni – 91.
Infektsiialyq statsionarlarda 660 adam bar (tósek-orynnyń jalpy sany –1 730 ), onyń ishinde 36 bala emdelýde», – dep naqtylady Qoǵamdyq densaýlyq saqtaý basqarmasynyń baspasóz qyzmetinen.
Sondai-aq, reanimatsiia jáne qarqyndy terapiia bóliminde 49 adam jatyr. Al 12 naýqas jasandy tynys alý apparatyna qosylǵan. Invazivti emes jasandy tynys alý apparatynda 23 adam em qabyldaýdy jalǵastyrýda. High flow-da 15 apparat jumys isteidi.
Meditsinalyq-sanitariialyq alǵashqy kómek mobildi brigadalarynyń jáne Telemeditsina ortalyǵynyń ambýlatoriialyq baqylaýynda 1249 patsient bar. Onyń ishinde indet belgileri bar, ortasha aýyr jaǵdaida 1050 naýqas. 199 adamda koronavirýs belgileri joq.
