Almatyda 30 maýsymda koronavirýstyń 305 jaǵdaiy tirkeldi. Qalanyń sanepidemiologtary adamdar kóp jinalatyn jerlerden aýlaq bolýǵa jáne vaktsinalanýǵa shaqyrady, dep habarlaidy "Ult aqparat".
Almatyda 1 shildedegi jaǵdai boiynsha koronavirýs infektsiiasynyń 74 306 jaǵdaiy tirkeldi, onyń 57 841-i simptomdy jáne 16 465-i simptomsyz, anyqtalmaǵan pnevmoniia – 1 993.
30 maýsymda koronavirýs infektsiiasynyń 305 jaǵdaiy tirkeldi, onyń 282-si simptomdy, 23-i simptomsyz. Táýliktik ósim 0,4%-dy quraidy.
Reprodýktivti sany - 1,287.
29 maýsymdaǵy jaǵdai boiynsha zerttelgen synamalardaǵy úndi shtammynyń úles salmaǵy - 78,3%.
Infektsiialyq statsionarlarda 703 adam jatyr, onyń 53-i balalar. Jalpy naýqastardyń ishindegi 16 patsienttiń jaǵdaiy óte aýyr, 153-i aýyr, 534 – ortasha aýyrlyq dárejede.
Reanimatsiia jáne intensivti terapiia bólimderinde 54 naýqas jatyr. ÓJJ apparatynda jatqan naýqastar - 11, invazivti emes ÓJJ apparatynda - 23, High flow apparatynda - 18.
Qazirgi ýaqytta alǵashqy meditsinalyq-sanitarlyq kómek mekemesi men telemeditsina ortalyǵynyń mobildi toptary úidegi 1507 naýqasty baqylaýda, olardyń 213-i simptomsyz, 1271-i jeńil, 23-i ortasha aýyrlyq dárejede. Patsientterdiń jalpy sanynan 205 naýqas infektsiialyq statsionarlardan shyǵaryldy.
Búginde infektsiianyń 1295 belsendi oshaqtary bar. Olardyń basym kópshiligi Áýezov aýdanynda, mundaǵy 5255 oshaqtyń 252-si, Almaly aýdanyndaǵy 5887 oshaqtyń 238-i, Alataýda - 4047 oshaqtyń ishinen – 191-i, Bostandyqta 5444 oshaqtyń 153-i, al Medeý aýdanynda 4919 oshaqtyń 144-i belsendi.
Koronavirýs tirkelgen oryndar - úiler, páterler, keńseler jáne taǵy basqa. Olar 14 kún boiy baqylaýǵa alynady.
Sońǵy 7 kúnde 20 - 39 jas aralyǵynda KVI-di 394 adam (37,6%) juqtyrǵan, 40-59 jas aralyǵyndaǵylarda 243 jaǵdai (23,2%), 60 jas jáne odan joǵarydaǵylarda 211 jaǵdai (20,1%). 14 jasqa deiin 131 jaǵdai (14,6%), 15-19 jasta - 46 (4,4%) jáne 1 jasqa deiin - 22 jaǵdai (2,1%).
Sońǵy aptadaǵy málimetter boiynsha, infektsiia qoǵamdyq oryndarda (54,2%), iaǵni kafeler, meiramhanalar, túngi klýbtar jáne basqa da jappai jinalý oryndarynda jyldam taralýda.
Koronavirýs dertine shaldyqqanmen bailanysta bolǵandar da bar, infektsiianyń 24,4%-y otbasynda juqqan.
Sondyqtan Almatydaǵy KVI-diń taralýynyń aldyn alý jónindegi qalalyq shtab epidemiologiialyq jaǵdaidyń ýshyqqanyn eskere otyryp, almatylyqtar men qala qonaqtaryn merekelik demalys kúnderi qarsańynda qoǵamdyq oryndarǵa barýdan bas tartýǵa shaqyrady. Sonymen qatar, sanitarlyq qaýipsizdik sharalaryn, onyń ishinde betperde taǵý, áleýmettik qashyqtyqty saqtaý qajet.
Búginde Almatyda 461 545 adam vaktsina aldy. Ótken táýlikte 10340 adam ekpe saldyrdy. Vaktsinalanǵandardyń jalpy sanynan 60 jastan asqandar - 78257.
Qalada meditsinalyq uiymdarda, mektepterde, mádeni-sporttyq mekemelerde, bazarlarda jáne SOSO-da 208 ekpe pýnkti bar. 1256 adamnan turatyn 307 brigada vaktsina salýǵa jumyldyrylǵan.
Almatydaǵy 28 PTR zerthanasynyń jalpy qýattylyǵy táýligine 15 770. Bolashaqta olardyń qýattylyǵy táýligine 27 242 arttyrý kózdelip otyr. Budan ózge, táýligine 3248 synama jasaityn ótkizýge qabiletti IFS zerthanasy bar.
