Almaty qalasy sanitarlyq-epidemiologiialyq baqylaý departamentiniń basshysy Jandarbek Bekshin koronavirýs aýrýyn azaitý men saqtaný sharalary týraly aitty, dep habarlaidy "Ult aqparat".
Megapolistiń memlekettik bas sanitarlyq dárigeri Ashyq júiesin engizý arqyly aýrýdyń tómendeýine shaǵyn jáne orta biznes nysandaryn monitoringtik toptardyń júieli baqylaýy áser etkenin atap ótti.
Sondai-aq qoǵamdyq oryndarda (kireberisterde, baspaldaq alańdarynda, balalardyń oiyn alańdarynda) profilaktikalyq dezinfektsiia júrgizý oń nátije berdi.
Jandarbek Bekshin Almatyda Ashyq jobasy osy jyldyń aqpan aiynan bastap júzege asyrylyp jatqanyn eske saldy.
Onyń mindetteriniń biri – juqtyrǵan turǵyndar men olardyń bailanys jasaǵan tulǵalarynyń qoǵamdyq oryndarǵa barýyn shekteý. Sondai-aq, eki aptalyq úi karantinin saqtaý mindetti.
Spikerdiń málimetinshe, joba bastalǵannan beri Almatyda óz mártebesin skanerleý nátijeleri boiynsha 1235 turǵynnyń qyzyl mártebesi rastaldy, 298 turǵynnyń sary mártebesi anyqtaldy.
Jobanyń taǵy bir artyqshylyǵy – mobildi qosymshanyń kómegimen úi karantinin buzbai «qashyqtan» tekserý múmkindigi bar. Osylaisha, qosymshanyń arqasynda Almatyda 649 turǵynnyń qyzyl mártebesi, 144 turǵynnyń sary mártebesi rastaldy.
«Júrgizilgen sharalardyń, sondai-aq Ashyq jobasynyń nátijesinde KVI boiynsha táýliktik ósim 6 esege tómendedi. Sońǵy táýlikte Almatyda mamyr aiynyń alǵashqy kúnderinde 605 – 608 jaǵdaiǵa qarsy koronavirýstyń 143 jaǵdaiy tirkeldi», - dedi Almaty qalasynyń memlekettik bas sanitarlyq dárigeri Jandarbek Bekshin.
Sonymen qatar, ol kásipkerlerdi joba talabyna adal bolýǵa, belgilengen shekteýlerdi saqtaýǵa shaqyrdy, óitkeni joba karantindik jeńildiktermen jumys isteýge múmkindik beredi.
