Foto: kolesa.kz
Almaty qalasynyń Bostandyq aýdanynda qaiǵyly oqiǵa tirkeldi. Ál-Farabi dańǵylyndaǵy, Tuńǵysh Prezident parkine qarama-qarsy ornalasqan kópirden er adam qulap, oqiǵa ornynda qaza tapqan, dep habarlaidy Ult.kz.
Bul jaǵdai týraly aqparat aldymen áleýmettik jelilerde tarady. Kýágerler ál-Farabi dańǵyly men Naýai kóshesiniń qiylysyndaǵy kópirden adamnyń qulaǵanyn habarlaǵan.
Qalalyq Politsiia departamenti er adamnyń qaza bolǵanyn rastady. Vedomstvo málimetinshe, atalǵan derek boiynsha Qazaqstan Respýblikasy Qylmystyq kodeksiniń 105-baby — «Ózin-ózi óltirýge deiin jetkizý» boiynsha qylmystyq is qozǵaldy.
Qazirgi ýaqytta oqiǵanyń sebepteri men mán-jaiy anyqtalyp jatyr. Ázirge qosymsha aqparat jariialanǵan joq.
