Búgin qalalyq Qoǵamdyq keńes músheleri «Almaty qalasyndaǵy mektepke deiingi jáne jalpy orta bilim berý júiesiniń jaǵdaiy jáne ony odan ári damytý» máselesi boiynsha qoǵamdyq tyńdaýǵa qatysty, - dep habarlaidy «Ult aqparat».
«Koronavirýstyq pandemiia jaǵdaiyndaǵy (2020 j. naýryz – 2021 j. mamyr) Almaty qalalyq Bilim basqarmasynyń qyzmeti jáne olardyń bilim berý uiymdaryndaǵy jańa jaǵdaidaǵy ári qaraiǵy qyzmeti boiynsha baǵyttary» taqyryby boiynsha ótken tyńdaýǵa Qoǵamdyq keńestiń músheleri men sarapshylary, bilim basqarmasynyń ókilderi, bilim berý uiymdardyń basshylary, BAQ, bilim berý máselesine bei-jai qarai almaityn Almaty qalasynyń turǵyndary qatysty.
«Búgingi taqyryp óte ózekti ekenin barshańyz bilesizder. Biyl ekinshi jyl qashyqtan bilim berip, onlain sabaq óttik. Oqýshylarymyz eki jyl úide otyryp oqydy. Bul jaǵdai muǵalimderge de, oqýshylarǵa da ońai bolǵan joq. Degenmen álemdik tájiribege súiene otyryp, bilim alýshylarǵa barlyq jaǵdaidy jasaýǵa tyrystyq. Pandemiianyń áseri bolmaǵan sala joq shyǵar. Qai salaǵa bolmasyn, ońai bolǵan joq. Degenmen bilim salasyna óte aýyr boldy. Oqýshylardyń bilimi belgili bir paiyzǵa deiin tómendegenin jasyra almaimyz. Sebebi alǵashqy jyly onlain oqý men qashyqtan bilim alýǵa olar da daiyn bolmady. Muǵalimder de daiyn bolmady. «Aýrýyn jasyrǵan óledi» dep qazaq beker aitpaǵan. Osy máseleni aityp, dabyl qaqtyq. Nátijesinde kezekshi synyptar ashyp, kei balalardyń mektepke kelip oqýyna múmkindik aldyq», - deidi Abai atyndaǵy mektep-internattyń direktory Roza Seksenova. Koronavirýstyq pandemiia jaǵdaiynda Almaty qalasy mektepke deiingi jáne mekteptegi bilim berý uiymdarynyń qyzmetin uiymdastyrýdaǵy problemalar jáne olardy sheshý joldaryn qarastyrýdy maqsat etken tyńdaýda Qoǵamdyq keńestiń músheleri de sóz alyp, atalǵan árbir ózekti máseleni parlamentke jetkizýge mindet aldy. Osylaisha karantin jaǵdaiyndaǵy bilim salasynyń jetistikteri men kemshilikteri joǵary deńgeide talqylanýǵa joldama aldy desek te bolady.
Talqylaýda sóz alǵan Qoǵamdyq keńestiń tóraǵasy Rahman Alshanov osy otyrystyń negizgi mindetterin atap ótti.
«Qurmetti, tyńdaýǵa qatysýshylar! Búgingi kóterip otyrǵan máselelerińiz óte oryndy ekenin atap óikim keledi.óitkeni ózim de bilim salasynda qanshama jyldan beri qyzmet etip kelemin. Mektep, kolledj, ýniversitet basqaryp otyrǵan bilim salasynyń ókili retinde bul máselelerge beijai qarai almaitynym anyq. Búgingi tyńdalymnyń negizgi mindetteri: Almaty qalasynda koronavirýs pandemiiasynyń paida bolýy men taralýyna bailanysty bilim berý uiymdarynyń jumys josparlaryna túzetýler jasaý, 2021-2022 oqý jylynda olardyń oidaǵydai jumys jasaýy úshin Almaty qalasyndaǵy mektepke deiingi jáne mekteptegi bilim berý uiymdarynda jańa jumys ádisterin ázirleý, Bilim berý uiymdaryn zamanaýi ádistermen, jabdyqtarmen jáne tehnologiialarmen oqý-ádistemelik jáne tehnikalyq qamtamasyz etý, Jalpy orta bilim berý uiymdaryndaǵy, onyń ishinde arnaiy mektepterdegi bilim berý sapasyn arttyrý, oqýshylardyń jazǵy ýaqytta (jazǵy mektepterde) bos ýaqytyn durys ótkizýdi qamtamasyz etý, mektepterdi eki aýysymdyq bilim berýge kóshirý jáne t.b. boiynsha usynystar jasaý ekenin atap ótkim keledi. Bul árine, ońai sharýa emes, degenmen bárimiz birge bul máselelerdiń de oń sheshimin tabamyz dep senemin», - dedi Almaty qalalyq Qoǵamdyq keńestiń tóraǵasy Rahman Alshanov.
Aita keteiik, Rahman Alshanov bilim salasynda talai jyldan beri qyzmet etip keledi. Atap aitqanda, ózi basqaryp otyrǵan «Turan» ýniversitetiniń negizin qalam, bilim salasynda aitarlyqtai eńbek sińirýde.
Esterińizge sala keteiik, búgin qalalyq Qoǵamdyq keńes músheleri «Almaty qalasyndaǵy mektepke deiingi jáne jalpy orta bilim berý júiesiniń jaǵdaiy jáne ony odan ári damytý» máselesi boiynsha qoǵamdyq tyńdaýǵa qatysty. Atalǵan jiynǵa Qoǵamdyq keńestiń músheleri men sarapshylary, bilim basqarmasynyń ókilderi, bilim berý uiymdardyń basshylary, BAQ, bilim berý máselesine bei-jai qarai almaityn Almaty qalasynyń turǵyndary qatysty.
