Foto: Tengrinews.kz
Almatyda hostelde órt shyǵyp, 13 adam qazap tapty, - dep habarlaidy "Ult aqparat" qalalyq TJD baspasóz qyzmetine silteme jasap.
Vedomstvo málimetinshe, 30 qarashada saǵat 05:33-te Almatydaǵy Ádi Sháripov kóshesinde órt shyqqany týraly habarlama kelip túsken.
"Birinshi órt sóndirý bólimi oqiǵa ornyna 7 minýt ishinde jetti. Órt sóndirýshiler kelgen ýaqytta úsh qabatty turǵyn úidiń jertólesi janyp jatty. Turǵyn úidiń 1 qabaty men jertólesi hostel retinde qaita jabdyqtalǵan.
Órttiń jalpy aýdany shamamen 30 sharshy metrdi quraidy.
Qabyldanǵan sharalardyń arqasynda órt saǵat 06:22-de sóndirildi.
Órtti barlaý jáne sóndirý barysynda 13 adamnyń denesi tabyldy, olardyń jeke basy anyqtalyp jatyr. Aldyn ala málimet boiynsha, olar gazben ýlaný saldarynan qaitys bolǵan", - delingen habarlamada.
Tótenshe jaǵdai kezinde hostelde 72 adam bolǵan. Onyń 59-y ózdiginen evakýatsiialanǵan.
Órtti sóndirýge Almaty qalasy Tótenshe jaǵdailar departamentiniń 46 adamy men 14 birlik tehnikasy jumyldyrylǵan.
Qazirgi ýaqytta órt pen adamdardyń qaitys bolý sebebi anyqtalyp jatyr.
