Almaty qalasy boiynsha statistika departamentiniń basshysy Aidar Ábildabekov onlain brifing barysynda sanaq naýqanyna daiyndyq jumysy týraly aitty, dep habarlaidy "Ult aqparat".
Aidar Ábildabekovtyń aitýynsha, sanaq – belgili bir ýaqyt kezeńindegi barsha el halqynyń «bir mezette sýretke túsýi» ispetti.
Sonymen qatar, ol ótken eki sanaqqa qaraǵanda aldaǵy sanaqtyń «barynsha tsifrlanýyna» nazar aýdarylatynyn atap ótti.
Endi popýliatsiia týraly málimetterdi jinaý protsesi eki jolmen júzege asyrylady.
Birinshi ádis – mamandandyrylǵan resýrs arqyly sanaq.gov.kz. saitta respondentter ornalasqan jerine qaramastan ózderine jáne otbasy múshelerine sanaq paraqtaryn toltyra alady.
Portal 2021 jyldyń 1 qyrkúieginen 15 qazanǵa deiin táýligine 24 saǵat boiy qoljetimdi bolady.
Ekinshi ádis — dástúrli úidi aralaý. Belgilengen merzim boiynsha onlain-rejimde sanaqtan ótpegen azamattardy aralaidy.
Suhbat alýshylar qaǵaz paraqtarynyń ornyna elektrondy planshetterdi qoldana alady.
Úidi aralaý 1-30 qazan aralyǵyna josparlanǵan.
Elektrondy saýalnama men úidi aralaý aiaqtalǵannan keiin interviýerler derektiń qamtylýy men durystyǵyn tekserý úshin óz ýchaskelerinde respondentterdiń 10%-yn baqylaý maqsatynda aralaidy.
«Bul jerde qai áleýmettik topqa jatatynyna qaramastan, ár adamnyń jaýaby úlken mańyzǵa ie bolady. 2021 jylǵy QR Ulttyq sanaǵynyń uranyna sáikes, Qazaqstan úshin árbir adam mańyzdy», – dedi spiker.
Júrgizilgen halyq sanaǵynyń qorytyndysy boiynsha kórsetkishterdiń keń aýqymy alynady.
Jinalǵan aqparat halyq sanyn perspektivalyq esepteý men eldegi taiaý jyldardaǵy áleýmettik-ekonomikalyq jaǵdaidyń sipattamalary úshin negiz bolady.
«Ártúrli jastaǵy adamdardyń qaida jáne qansha ýaqyt turatynyn bile otyryp, memlekettik balabaqshalar, mektepter, aýrýhanalar jáne basqa da áleýmettik nysandar salýdy josparlai alady. Sonymen qatar, sanaq qorytyndysy ekonomikalyq daǵdarys, indetter adamdardyń ómirine qalai áser etetinin baǵalaýǵa múmkindik beredi, sondai-aq ulttyq jobalardyń nátijelerin shyǵarýǵa kómektesedi», – dedi ol.
Onyń aitýynsha, QR azamattary ǵana emes, Qazaqstan Respýblikasynyń aýmaǵynda turaqty turatyn sheteldikter, azamattyǵy joq adamdar da qaita jazylady.
