Foto: Álihan Asqar/Kazinform
Prokýratýra iri bizneske qatysty zańsyz taýar tekserýlerdiń jolyn kesti, dep habarlaidy Ult.kz Kazinform-ǵa silteme jasap.
Almaty kólik prokýratýrasy iri salyq tóleýshilerdiń atyna kelgen taýarlardy kedendik zańsyz tekserýdiń 37 faktisin anyqtady.
— Tekserýler inspektsiialyq–qaraý keshenderiniń isten shyǵýyna bailanysty qoldanylatyn táýekelderdi basqarý júiesiniń táýekel profilderi negizinde júrgizilgen. Bul biznes úshin qosymsha qarjylyq shyǵyndarǵa ákeledi. Prokýrorlyq qadaǵalaý aktisi boiynsha zańsyz tájiribe toqtatyldy, al jaýapty laýazymdy tulǵalar tártiptik jaýaptylyqqa tartyldy, — delingen taratylǵan aqparatta.
Buǵan deiin BQO-da prokýratýranyń aralasýymen 468,5 mln teńge memleketke qaitarylǵany belgili boldy.
