Almatyda shabýylda qaza tapty delingen politsiia qyzmetkerleri (soldan ońǵa qarai) Maqsat Sálimbaev, Aian Ǵaliev jáne Baýyrjan Nurmaǵambetov. Sýret 24.kz saitynyń resmi saitynan alyndy.
Almatydaǵy shabýyldan qaza tapqan politsiia qyzmetkerleriniń aty-jónderi jariialandy dep habarlaidy jergilikti agenttikter. Qalalyq ishki ister departamenti taratqan aqparatta shabýylda politsiia kapitany Baýyrjan Nurmahanbetov (1988 jyly týǵan), kishi serjant Maqsat Sálimbaev (1991 jyly týǵan) jáne politsiia starshinasy Aian Ǵaliev (1974 jyly týǵan) qaza tapqany aitylady.
Almatyda búgin túske deiin belgisiz qarýly adamdar Almaly aýdandyq ishki ister bólimi men UQK departamentine shabýyl jasaǵan. Resmi aqparat boiynsha, shabýyldan politsiia qyzmetkerlerinen ózge bir beibit turǵyn qaza tapqan, jeti politsei jaraqattanǵan.
Politsiia «shabýyl jasady» delingen eki adamnyń ustalǵanyn habarlady.
Respýblikalyq antiterrorlyq ortalyq shabýylǵa bailanysty Almaty aýmaǵynda terrorlyq qaýip-qaterdiń «qyzyl» deńgeiin jariialaǵan.
Qazaqstan prezidenti Nursultan Nazarbaev shabýylǵa bailanysty qaýipsizdik keńesiniń jiynyn ótkizip, Almatydaǵy shabýyldy terakt dep atady.
