Foto: ashyq derekóz
Almatyda qoǵamdyq tártipti saqtaý baǵytyndaǵy sharalar aiasynda qaiyrshylyq pen azamattarǵa tiisý derekteri boiynsha jyl basynan beri 2 myńǵa jýyq adam ákimshilik jaýapkershilikke tartyldy, dep habarlaidy Ult.kz.
Qalalyq Politsiia departamentiniń málimetinshe, bul baǵyttaǵy jumystar júieli túrde júrgizilip jatyr. Atalǵan derekter Almaty qalasy Politsiia departamentiniń bastyǵy Aidyn Qabduldinovtyń Qoǵamdyq keńes jáne vedomstvo janyndaǵy konsýltativtik-keńesshi organmen ótken eseptik kezdesýinde aityldy.
Sonymen qatar, otbasylyq-turmystyq quqyq buzýshylyqtar sany 9 paiyzǵa tómendegen. Otbasynda zorlyq-zombylyqqa jol bergen 500-den astam adam jaýapkershilikke tartylyp, qoǵamnan oqshaýlanǵan.
Politsiia basshysynyń aitýynsha, Almaty turǵyndarynyń basym bóligi – zańǵa baǵynatyn, jaýapkershiligi joǵary azamattar. Alaida qoǵamdyq tártipti ádeii buzyp, qoǵamǵa qaýip tóndiretin tulǵalarǵa qatysty qatań sharalar qoldanylýda.
Quqyq qorǵaý organdary qala turǵyndary men qonaqtaryn qoǵamdyq tártip pen tazalyqty saqtaýǵa shaqyrdy.
