Foto: Polisia.kz
Búgin Almatyda ótetin FK Qairat pen FK Aqtóbe arasyndaǵy fýtbol matchy kezinde qoǵamdyq qaýipsizdik sharalary kúsheitiledi, dep habarlaidy Ult.kz Polisia.kz saityna silteme jasap.
Almaty qalalyq politsiia departamenti málimetinshe, match ótetin stadion aýmaǵynda jáne oǵan jaqyn aimaqtarda qoǵamdyq tártipti qamtamasyz etý úshin qosymsha politsiia kúshteri jumyldyrylady.
Departament basshysy Aidyn Kabdýldinovtiń aitýynsha, sporttyq shara barysynda qaýipsizdik máselesine erekshe kóńil bólinedi.
«Match ótetin kúni stadion men oǵan irgeles aýmaqta qaýipsizdik sharalary barynsha kúsheitiledi. Qoǵamdyq tártipti qamtamasyz etý úshin qosymsha politsiia qyzmetkerleri tartylady», – dedi ol.
Sonymen qatar politsiia jankúierlerdi stadiondaǵy tártip erejelerin saqtaýǵa shaqyrdy. Quqyq qorǵaý organdary agressiia, arandatý, balaǵat sózder, qorlaý, buzaqylyq áreketter jáne tyiym salynǵan zattardy qoldaný siiaqty zańsyz áreketterge jol berilmeitinin eskertti.
Politsiia málimetinshe, quqyq buzýshylyqtar tirkelgen jaǵdaida jedel sharalar qabyldanyp, kináli tulǵalar zań aiasynda jaýapkershilikke tartylady.
