Politseiler qarjy piramidasy isine qatysy bar taǵy bir adamdy ustady, dep habarlaidy "Ult aqparat".
QR QK 217-baby 3-bólimi 2-tarmaǵyna sáikes sotqa deiingi tergeýdiń biryńǵai tiziliminde tirkelgen qarjy piramidasyn qurý jáne basqarý boiynsha «ASTEX.KZ» JShS, «ACD technology» JShS, «MUDARABAH CAPITAL» JShS jáne «MUSHARAKAH CAPITAL» JShS qyzmetkerlerine qatysty qylmystyq isti tergeý sheńberinde Almaty qalasynyń politsiiasy «ACD Tehnology» negizin qalaýshy, 50 jastaǵy M. esimdi azamatty ustady.
«Basty tulǵa – K. esimdi azamat ustaldy jáne qamaýǵa alyndy. Keiinirek taǵy eki kúdikti – R. esimdi azamatsha men M. esimdi azamat ýaqytsha ustaý izoliatoryna qamaldy. Qylmystyq ispen Almaty qalasy politsiia departamenti tergeý basqarmasynyń tergeýshileri ainalysyp jatyr», – dedi Almaty qalalyq politsiia departamenti bastyǵynyń orynbasary Rústem Ábdrahmanov.
Joǵaryda atalǵan JShS qyzmetkerleriniń qylmystyq áreketinen zardap shekken azamattar myna telefondar arqyly habarlasa alady: 8 777 025 65 86 jáne 8 701 624 28 24.
