Almaty qalalyq Kásipkerlik jáne investitsiialar basqarmasy megapoliste kartoptyń quny jaqyn arada tómendeitinin málim etti, dep habarlaidy "Ult aqparat".
Almaty qalasy Kásipkerlik jáne investitsiialar basqarmasynyń málimetinshe, qazirgi ýaqytta kartoptyń baǵasy sharyqtaý shegine jetti, ol jaqyn arada tómendeidi.
«Jyl saiyn, maýsymaralyq kezeńde byltyrǵy kókónistiń kólemi men sapasynyń tómendeýine jáne biylǵy ónimdi jetkizýge bailanysty kartoptyń qysqa merzimdi jetispeýshiligi baiqalady. Aldaǵy 2 aptada Túrkistan oblysynan kartop jetkiziledi. Bul baǵanyń tómendeýine oń áser etedi. Bir keli kartop 150 teńgege deiin tómendeidi», - dep túsindirdi basqarmadaǵylar.
Almaty qalasy jylyna shamamen 200 myń tonna kartop tutynady.
Megapoliske kartop Pavlodar, Almaty, Qaraǵandy jáne basqa oblystardan jetkiziledi.
