Almatynyń bas sanitar dárigeri Jandarbek Bekshin 19 maýsymnan bastap jańa qaýly kúshine enetinin aitty. Qujatqa sáikes, bizneske birqatar jeńildik beriledi, dep habarlaidy "Ult aqparat".
Jandarbek Bekshiniń aitýynsha, Almatydaǵy epidemiologiialyq jaǵdai turaqtandy.
«Almaty 12 maýsymnan bastap «jasyl» aimaqta tur. Aidyń basynan beri koronavirýstyń taralýy 2 ese azaidy. Sońǵy táýlikte KVI-diń 112 jaǵdaiy tirkeldi, al táýliktik ósim 0,1 paiyzǵa tómendedi. Almaty qalasynda epidemiia bastalǵaly koronavirýstyń 71 820 jaǵdaiy, al osy jyldyń basynda 53 myńnan astam jaǵdai tirkelgen. Al qazir jaǵdai ońalǵan, aýrýdyń taralýy aitarlyqtai báseńdegen. Halyqtyń 100 myńyna shaqqanda aýrý deńgeiiniń tómendeý dinamikasy turaqty, sońǵy 7 kúnde 64,7-den 39,8-ge deiin azaidy», - dedi ol.
Sonymen qatar, ol Almaty «jasyl» aimaqta jeti kún tursa, onda karantin sharalary jeńildetiletinin málim etti.
«Qazaqstan Respýblikasynyń bas memlekettik sanitarlyq dárigeriniń 2021 jylǵy 25 naýryzdaǵy №12 qaýlysyna sáikes Almaty qalasynyń bas memlekettik sanitarlyq dárigeriniń áleýmettik-ekonomikalyq obektilerdiń qyzmetin jeńildetý tártibi týraly qaýly daiyndaldy. Matritsanyń «jasyl aimaqqa» ótkenen keiin jeti kún ótken soń, iaǵni 19 maýsymnan bastap jeńildeidi», - dedi Jandarbek Bekshin.
Eske salaiyq, 12 maýsymnan bastap Almaty «jasyl» aimaqta.
