Almaty qalasy ákiminiń orynbasary Erjan Babaqumarov koronavirýs infektsiiasynyń taralýyna jol bermeý jónindegi qalalyq shtabtyń otyrysyn ótkizdi, dep habarlaidy "Ult aqparat".
Onlain jiyn barysynda megapolistegi qazirgi epidemiologiialyq ahýal, karantindik shekteýlerdiń saqtalýyn júzege asyrý máseleleri qaraldy.
Almaty qalasy Sanitariialyq-epidemiologiialyq baqylaý departamentiniń basshysy, qalanyń memlekettik bas sanitarlyq dárigeri Jandarbek Bekshin indetti juqtyrý deńgeii tómendegenin málim etti.
Onyń aitýynsha, táýlik ishinde koronavirýstyń 184 jaǵdaiy tirkeldi. Sonymen qatar, sońǵy 7 kúnde simptomdy naýqastardyń úles salmaǵy ótken jylǵy 50%-ben salystyrǵanda 83,2%-dy qurady. Bul joǵary patogendi mýtatsiialy COVID-19 shtamynyń qoǵamda taralǵanyn kórsetedi.
Naýqastardyń 21% - túrli JShS, JK, AQ qyzmetkerleri. Sondyqtan virýstyń taralýyn boldyrmaý jáne shaǵyn jáne orta biznes kásiporyndary jabylmaýy úshin vaktsina saldyrý qajet.
Anyqtalǵandai koronavirýs adamdar kóp shoǵyrlanatyn jáne sanitarlyq-epidemiologiialyq normalar saqtalmaityn jerlerde, sondai-aq qoǵamdyq oryndarǵa barý saldarynan tarap otyr. Olar – bazarlar, saiabaqtar, demalys oryndary, saýda, oiyn-saýyq ortalyqtary jáne taǵy basqalary. Mysaly, azyq-túlik bazarlarynda juqtyrý 8,9%-ǵa, azyq-túlik dúkenderinde – 8,9%-ǵa, SOSO men SÚ-de – 6,3%-ǵa ósken.
Osyǵan orai ahýaldy ári qarai turaqtandyrý úshin qala ákimniń orynbasary Erjan Babaqumarov adamdar kóp jinalatyn jerlerde monitoringilik toptardyń jumysyn kúsheitý qajettigine nazar aýdardy. Atap aitqanda, bazarlarda, vokzaldarda, áýejai aýmaǵynda, sondai-aq jazǵy kezeńdi eskere otyryp, fontandardyń janynda, saiabaqtar men alańdarda. Sanitarlyq patrýlderdiń jumysyn uiymdastyrýǵa qatysty jeke tapsyrmalar berildi.
Almaty ákimdigi qala turǵyndary men qonaqtaryn sanitarlyq sharalardy saqtaýǵa shaqyrady. Óitkeni infektsiianyń jańadan órshý qaýpi joǵary, onyń ishinde COVID-19 mýtatsiialanǵan shtamdary tez enýi múmkin. Betperde taǵý rejimin, áleýmettik qashyqtyqty saqtaý, adamdar kóp jinalatyn jerlerden aýlaq bolý, sondai-aq meditsinalyq qarsy kórsetilimder bolmasa, COVID-19 vaktsinasyn alý óte mańyzdy.
Shtab otyrysynda monitoringilik toptardyń jumysy da qaraldy. Almatyda jyl basynan beri olar 2600-den astam tekserý júrgizdi, 24 myńǵa jýyq nysannyń karantindik sharalardy saqtaýy tekserildi, 2200-den astam zań buzýshylyq faktileri anyqtaldy.
Zańdy jáne jeke tulǵalarǵa jalpy somasy 320 mln teńge aiyppul salyndy. Karantindi qasaqana buzýshylar jaily 75 material sotqa berildi, olardyń 54-i boiynsha sheshim qabyldandy. Osy aptada, 31 mamyr-4 maýsymǵa deiingi aralyqta qalada 815 nysan tekserildi, anyqtalǵan buzýshylyqtar boiynsha 6,2 mln teńgege 56 hattama toltyryldy.
Qala ákiminiń orynbasary Erjan Babaqumarov Ashyq jobasyna qatysty shekteý sharalaryn kúsheitip, betperde rejimi men áleýmettik qashyqtyqty saqtaý qajettigin aitty.
Búginde osy joba aiasynda Almatyda 1700-den astam kásipkerlik sýbektiler jumys isteidi. Almaty qalasy sanitarlyq-epidemiologiialyq baqylaý departamentiniń derekteri boiynsha 24 qatysýshynyń epidemiologiialyq talaptardy buzylǵany anyqtaldy.
Olarǵa eskertý jasaldy, eger zańdy buzý qaitalansa, onda bul sýbektiler qatysýshylar tiziminen 2 aptaǵa shyǵarylady, úshinshi buzýshylyq úshin eki ai merzimge alynyp tastalady.
