Foto: Habar24
Almatyda kámeletke tolmaǵanǵa qatysty aýyr qylmys jasaǵan er adamǵa sot úkimi shyqty. Bul týraly Almaty qalalyq sotynyń baspasóz qyzmeti habarlady.
Qylmystyq is Almaty qalasynyń mamandandyrylǵan aýdanaralyq qylmystyq ister jónindegi sotynda qaralǵan. Aiyptalýshyǵa Qylmystyq kodekstiń 121-baby 4-bóligi boiynsha aiyp taǵylǵan. Is sotta jabyq formatta qaraldy.
Sot málimetinshe, 2025 jyly sottalýshy kámeletke tolmaǵan jábirlenýshige qatysty zorlyq sipatyndaǵy qylmys jasaǵan. Onyń kinási jábirlenýshiniń jáne zańdy ókiliniń aiǵaqtarymen, sondai-aq sot saraptamalarynyń qorytyndylarymen dáleldengen.
Sot úkimimen aiyptalýshy kináli dep tanylyp, ómir boiyna bas bostandyǵynan aiyryldy. Qazirgi ýaqytta úkim zańdy kúshine engen joq.
