Almatylyqtar saiabaqqa it ertip kirýge tyiym salynǵan belgilerge shaǵymdana bastady. Ákimdik qoǵamdyq orynda úi janýarlarymen qaida jáne qalai júrý kerektigin túsindirdi, dep habarlaidy "Ult aqparat".
Almaty qalalyq kásipkerlik jáne investitsiialar basqarmasy málim etkendei, búginde qalada «It pen mysyqty ustaý jáne serýendeý erejeleri» bar. Atalǵan ereje 2018 jyldyń 17 sáýirde Almaty qalasy máslihatynyń XXVII sessiiasynda qabyldanǵan.
Erejege sáikes qala aýmaǵynda mynalarǵa jol berilmeidi:
1) ittermen qoǵamdyq oryndarǵa barýǵa bolmaidy;
2) oiyn jáne sport alańdarynda, balabaqsha, mektep aýmaǵynda, emdeý mekemelerinde, tyiym salý belgileri ornatylǵan jerlerde ittermen serýendeýge tyiym salynǵan;
3) itterdi jaǵajailarǵa aparýǵa, qoǵamdyq shomylý oryndarynda janýarlardy shomyldyrýǵa bolmaidy;
4) janýardy terezeleri tyǵyz jabylǵan kólik ishinde qaraýsyz qaldyrýǵa ruqsat joq;
Almatyda it qydyrtatyn 8 oryn belgilengen:
Áýezov aýdanynda: №8,10 shaǵyn aýdany, Raiymbek 481B
Bostandyq aýdanynda: «Iýjnyi» saiabaǵy
Almaly aýdanynda: M. Gandi atyndaǵy saiabaq
Jetisý aýdanynda: «Ainabulaq-1» yqshamaýdany
Túrksib aýdanynda: Baýman toǵaiy.
Sonymen qatar, turǵyndar qalanyń ortalyq saiabaǵynda tyiym salý belgileri bar taqtaǵa shaǵymdanýda.
Óz kezeginde ákimdik buny saiabaqtaǵy kóptegen oiyn alańdaryna bailanysty eknin túsindirdi.
Aita keteiik, kez kelgen jerde úi janýarlaryn erkin alyp júrýge bolmaidy. Erejege baǵynbaǵandar jazaǵa tartylyp, aiyppul tóleidi.
