Foto: Polisia.kz
Almatyda birden 11 adam ustaldy. Olar internet-dúken arqyly esirtki zattaryn bailanyssyz tásilmen taratty degen kúdikke ilindi, dep habarlaidy Ult.kz.
Ishki ister ministrliginiń Esirtki qylmysyna qarsy is-qimyl komitetiniń málimetinshe, kúdiktiler qatarynda uiymdastyrýshylar, operatorlar jáne narkodúkenniń qarjylyq qyzmetin qamtamasyz etken tulǵalar bar. Tergeý nusqasy boiynsha, zańsyz saýda Almaty qalasy men Almaty oblysy aýmaǵynda júrgizilgen.
Jedel is-sharalar barysynda zańsyz ainalymnan shamamen 3 keli sintetikalyq esirtki tárkilendi. Sonymen qatar qylmystyq shemany úilestirý úshin paidalanylǵan bailanys quraldary, bank kartalary jáne tsifrlyq tasymaldaǵyshtar alyndy.
Atalǵan derek boiynsha sotqa deiingi tergeý bastaldy. Quqyq qorǵaý organdary istiń barlyq mán-jaiyn anyqtap jatyr.
