Almatyda koronavirýsqa qarsy Hayat-Vax jáne CoronaVac vaktsinalary taýsyldy. Bul týraly qalalyq qoǵamdyq densaýlyq saqtaý basqarmasynyń basshysy Nariman Tabynbaev aitty, dep habarlaidy "Ult aqparat".
«Qalada vaktsina qory jetkilikti. Bul «Sputnik V» vaktsinasyna qatysty. «Hayat-Vax» jáne «CoronaVac» ókinishke orai, qazir joq», - dedi spiker
Sonymen qatar, ol sońǵy 10 kúnde aýrýhanalardaǵy naýqastardyń sany 2,5 ese óskenin atap ótti.
«Jalpy reanimatsiia jáne qarqyndy terapiia bólimshesinde naýqastardyń sany 10 kúnniń ishinde 50-den 121-ge deiin, iaǵni 2,4 esege kóbeidi. Búgingi tańda BMSK jáne Telemeditsina ortalyǵy dárigerleriniń baqylaýynda 3 255 patsient bar, al aýrýhanalar men úide 40 jasqa deiingi jastar sanynyń kúrt ósýi baiqaldy», - dedi ol.
Búgingi tańda Almatyda 212 vaktsinatsiia pýnkti jumys isteidi. 308 vaktsinatsiia brigadasynda 1 260 meditsina qyzmetkerleri jumyldyryldy.
