Almaty ákimi Baqytjan Saǵyntaev Jetisý aýdanynda turǵyn úidi jańartý baǵdarlamasyn iske asyrýdyń, abattandyrýdyń jáne áleýmettik nysandardy salý barysyn tekserdi, dep habarlaidy "Ult aqparat".
«Jumysshylar poselkesi» eldi mekeninde Raiymbek dańǵyly - Krylov - Kazakov - Botkin - Goncharov - Skriabin kósheleriniń qiylysynda renovatsiialaý baǵdarlamasy boiynsha úiler salynýda.
2020 jyly buzylǵan 6 úidiń ornyna jalpy alańy 16 myń sharshy metr bolatyn 304 páterli 4 úidiń qurylysy bastaldy.
Biyl tozyǵy jetken eki úi súrilip, jalpy alańy 12,5 myń sharshy metr bolatyn 183 páterlik úsh úidiń qurylysy bastaldy.
Súriletin karkas pen qamystan salynǵan úsh úidiń turǵyndary qala ákimine qonys aýdarý máselesiniń keshigip jatqanyn aitty.
Osyǵan orai Baqytjan Saǵyntaev jańartý baǵdarlamasynyń operatory «Almaty» ÁKK basshylyǵyna turǵyndarǵa jobanyń kezeńderi týraly ýaqtyly habarlaýdy ári olardyń ýaqytsha turatyn qonystaryn jedel sheshýdi tapsyrdy.
Megapolis ákimi 150 qosymsha oryn ashýǵa múmkindik beretin №102 mekteptiń jańa korpýsynyń qurylys qarqynymen tanysty.
Almaty ákimi qurylys-montaj jumystaryn tezdetýdi jáne nysandy 1 qyrkúiekte ashýdy júktedi. «Qulager» shaǵynaýdanynda aýysymynda 150 kelýshige arnalǵan zamanaýi DSK kesheniniń qurylysy jalǵasýda.
Keshen sport jáne trenajer zaldarynan, eki basseinnen jáne kúsh jattyǵýlary zalynan turady.
Qadamdyq qoljetimdi meditsinalyq qyzmettermen qamtamasyz etý, qoldanystaǵy meditsinalyq mekemelerdiń júktemelerin azaitý úshin emhanalardy ashý úshin daiyn ǵimarattardy satyp alý múmkindigi qarastyrylýda.
Sidorkin, 14 jáne Omarov, 91 «a» kóshelerindegi ǵimarattardy qarap shyqqan qala ákimi Qoǵamdyq densaýlyq basqarmasyna osy máseleni zerdeleýdi tapsyrdy.
Baqytjan Saǵyntaev Qazybaev kóshesi - Rysqulov dańǵyly - Tátibekov kóshesi - Raiymbek dańǵyly boiynda salynyp jatqan injenerlik jelilerdiń qurylys sapasyn tekserdi.
43 shyqyrymǵa jýyq sýmen jabdyqtaý jelileri jáne 15 shaqyrym sýdan burý jumystary aiaqtalyp qaldy. Ortalyq júiege 6 myńnan astam abonent qosylady.
Jumys sapary kezinde Almaty ákimi Jetisý aýdanyndaǵy abattandyrýdyń barysymen tanysty, «Qulager» shaǵynaýdanynda «Biýdjetke qatysý» jobasy aiasynda salynyp jatqan aralas kóshedegi jaiaý júrginshiler aimaǵyn qarap shyqty.
Sonymen qatar, ol oiyn alańdary men sport alańdaryn jasaýdyń, sondai-aq yńǵaily oryndyqtar men kóshe shamdaryn ornatýdyń qajettiligin atap ótti.
Seifýllin dańǵylyndaǵy buryn qaraýsyz qalǵan úiaralyq aýmaqta «Biýdjetke qatysý» jobasy boiynsha Workout qurylǵysy ornatylyp, jaryq jelisi tartyldy, oryndyqtar qoiyldy.
Sondai-aq qala ákimi «Qulager» shaǵynaýdanyndaǵy úilerdiń qasbetterin jóndeý jáne Jangeldin kóshesi boiyndaǵy aryq jelilerin rekonstrýktsiialaý jumystarymen tanysty.
Baqytjan Saǵyntaev «Kókmaisa» shaǵynaýdanyndaǵy Esentai ózeniniń jaǵalaýyn abattandyrý jumysynyń bastalýymen jáne Úlken Almaty kanaly boiyndaǵy ýchaskeni rekonstrýktsiialaýmen tanysty.
Jasyl ekonomika bsqarmasyna qalalyqtardyń pikirin eskere otyryp, qoǵamdyq keńistikterdi jóndeýdi tapsyrdy.
Jańa demalys aimaqtary jaqyn mańdaǵy «Kókmaisa» jáne «Ainabulaq» shaǵynaýdany turǵyndarynyń serýendeitin orynyna ainalady.
