Almatyda epidemiologiialyq jaǵdai óte kúrdeli. Bul týraly onlain brifing barysynda Almaty qalasy sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin málim etti, dep habarlaidy "Ult aqparat".
«Almaty qalasynda koronavirýs boiynsha epidemiologiialyq jaǵdai óte kúrdeli. Jyl basynan 28 maýsymǵa deiin 55101 jaǵdaiy, maýsym aiynda - 3889 jaǵdai tirkeldi. Ótken aptada koronavirýs aýrýshańdyǵy 1,7 ese ósti (742-den 1237-ge deiin), sońǵy táýlikte 215 jaǵdaiy tirkeldi, táýliktik ósim 0,2% - dy qurady», - deidi Jandarbek Bekshin.
Onyń aitýynsha, Almaty qalasyndaǵy epidemiologiialyq jaǵdai kontagiozdy mýtatsiialanǵan «delta» shtamynyń taralýyna bailanysty kúrdelene tústi, bul rette PTR ortasha táýliktik oń nátijeleri osy jylǵy 17 maýsymnan bastap táýligine 114-ten 21 maýsymnan bastap táýligine 188-ge deiin ósti.
«Virýs juqtyrǵandar sanynyń kúrt ósýine bailanysty biz mýtatsiialanǵan shtamdarǵa zertteý júrgizdik. Nátijesinde KVI naýqastarynan alynǵan 131 úlginiń 77 «alfa», britandyq shtamdar, 46 úlgide «delta», úndi shtamdary anyqtaldy. Sonymen qatar, eki «gamma», ońtústik afrika shtammdary men bir niý-iork, «betta» shtamy tirkeldi. Jalpy epidemiologiialyq jaǵdaidyń kúrdelenýi «alfa» shtammynyń taralýynan, al aýrýdyń artýy Nur-Sultan qalasy men Reseiden ákelingen «delta» shtamynyń saldarynan», - dedi Jandarbek Bekshin.
