Almaty mańynda eki kólik soqtyǵysyp, eki adam kóz jumdy, dep habarlaidy "Ult aqparat".
Jol-kólik apatynyń sýreti áleýmettik jelide tarady.
Almaty oblysy politsiia departamentiniń baspasóz qyzmetiniń málimetinshe, apat 6 shilde kúni saǵat 00:10 shamasynda bolǵan. Almaty-Jandosov-Besmoinaq tas jolynyń shyǵys baǵytynda «Toyota Land Cruiser» avtokóliginiń 18 jastaǵy júrgizýshisi rýlge ie bola almai, qarsy jolaqqa shyǵyp ketip, «Toyota Avensis» kóligimen soqtyǵysty.
«Apat saldarynan «Toyota Avensis» avtokóliginiń júrgizýshisi men onyń 26 jastaǵy jolaýshysy alǵan jaraqattarynan sol jerde kóz jumdy. Al «Toyota Land Cruiser» kóliginiń 18 jastaǵy júrgizýshisine qatysty qylmystyq is qozǵaldy. Barlyq qajetti saraptamalar taǵaiyndaldy», - dep habarlady politsiiadan.
