Almatyda eki qabatty úidiń shatyry opyrylyp tústi, abroi bolǵanda adamdar aman, dep habarlaidy "Ult aqparat".
Bostandyq aýdanynyń ákimdigi bul aqparatty rastady.
Buqar jyraý býlvarynda ornalasqan №67 eki qabatty úidiń bir páteriniń tóbesi qulap tústi. Úidiń eki kireberisi bar, ol 11 páterden turady. Apatty úi 1956 jyly salynǵan.
«Tóbesi opyrylyp túsken páterde 6 adam turady, onyń ekeýi bala. Oqiǵa kezinde balalar bolmaǵan. Birinshi kireberiste 4 páter jáne 2 keńse, ekinshi kireberiste keńse jáne 4 páter ornalasqan. Apatty úidiń tóbesi qulaǵan soń, aýdandyq ákimdik №5 páterde túratyn 4 adamdy «Atakent» qonaq úiine ornalastyrdy. Al №4, 6 páter bos», - dep habarlady aýdan ákimdiginen.
Búgin qala qurylysyn baqylaý basqarmasy úidiń tóbesi men shatyrynyń tehnikalyq jaǵdaiyn anyqtaýǵa kiristi. Qurylys jáne qalpyna keltirý jumystaryn júrgizý úshin litsenziiasy bar uiymnyń mamandaryn tarta otyryp qulaǵan tóbege saraptama júrgizip jatyr.
