"Olimpiada chempiony Dmitrii Balandin men Olimpiada oiyndarynyń qola júldegeri Dariǵa Shákimovaǵa páter berildi", - dep habarlaidy "Ult aqparat" kaz.tengrinews.kz portalyna silteme jasap.
Onymen qosa, ala ákimi Baýyrjan Baibek sportshylarmen bolǵan kezdesýde Dmitrii Balandinge Land Cruiser 200 kóliginiń, al Dariǵa Shákimovaǵa Land Cruiser Prado kóliginiń kiltin tabystady. Aita keteiik, Olimpiada júldegerleri ákimmen bolǵan kezdesýden jańa kólikterimen ketti.
© Tengrinews.kz
Eske salaiyq, Riodaǵy Olimpiada oiyndarynda Balandin Qazaqstan tarihynda tuńǵysh ret júzýden Olimpiada chempiony atandy. Ol 200 metr qashyqtyqty brass ádisimen júzip ótýde finalǵan shyqqan edi. Sondai-aq, Balandin Riodaǵy Olimpiadada óner kórsetken qazaqstandyq úzdik sportshy dep tanyldy.
Al Dariǵa Shákimova Rio Olimpiadasynda el qorjynyna 17-shi medaldi saldy. Áielder arasynda bokstan 75 kelige deiingi salmaq dárejesinde qazaqstandyq boksshy jartylai final kezdesýinde AQSh sportshysy Klaressa Shildspen kezdesti. Osylaisha, Dariǵa Shákimova Qazaqstan quramasyna 17-shi medaldi salyp berdi.
Aita keteiik, Rio Olimpiadasyna Qazaqstannyń atynan 26 sporttyń túrinen 104 sportshy qatysty. Ótken Oiyndar Elimiz úshin kúmis medaldar boiynsha jáne jalpy medaldar sany boiynsha ózindik rekord ornatty.
