"Almatydaǵy ál-Farabi atyndaǵy Qazaq ulttyq ýniversitetiniń qalashyǵynda HHHI jazǵy Olimpiada oiyndarynyń chempiony Dmitrii Balandin atyndaǵy júzý basseini ashyldy", - dep jazady Massaget.kz portaly.
Qara shańyraq QazUÝ qalashyǵynan oryn tepken júzý basseininiń ashylý saltanatyna qala ákimi Baýyrjan Baibek, aqyn, qoǵam qairatkeri, Qazaqstannyń Halyq jazýshysy Oljas Súleimenov, oqý ordasynyń rektory Ǵalymqaiyr Mutanov JOO túlekter assotsiatsiiasynyń prezidiým músheleri, stýdentter men oqytýshylar, qoǵamdyq uiymdar qatysty.
25 metrlik júzý basseininiń saltanatty ashylý rásiminde Dmitrii Balandin de sóz sóilep, jinalǵan jurtshylyqqa alǵysyn bildirdi.
Aldaǵy ýaqytta júzý basseini stýdentterdiń igiligine jaratylady. Sonymen qatar sport kesheninde sinhrondy júzýden QazUÝ quramasynyń jattyǵýlary men sportshylardy aimaqtyq, ulttyq jáne halyqaralyq jarystarǵa daiyndaý jumystary júrgizilip, ýniversitetter arasyndaǵy sporttyq jarystar uiymdastyrylatyn bolady.
Ashylý saltanaty barysynda sinhrondy júzýden ulttyq ýniversitettiń quramasy kópshilik aldynda óz ónerin kórsetti.
Olimpiada chempiony Dmitrii Balandin de óziniń atyna berilgen júzý basseininde alǵashqylardyń biri bolyp júzdi.
Júzý basseini aldy men zalda stýdentter Olimpiada chempionyna zor qoshemet kórsetti.
Sýret: Massaget.kz
