Almaty qalasy sanitarlyq-epidemiologiialyq baqylaý departamentiniń basshysy Jandarbek Bekshin qalada koronavirýstyń jańa shtamdarynyń ainalymy týraly aitty, dep habarlaidy "Ult aqparat".
Onyń sózinshe, Almatyda epidemiologiialyq ahýal jáne infektsiianyń taralýyna jol bermeý karantin talaptaryn saqtaýǵa jáne megapolis turǵyndarynyń vaktsinalaný qarqynyna tikelei bailanysty.
Almatynyń bas sanitarlyq dárigeri dert juqtyrǵandar sanynyń kúrt ósýine bailanysty 30 maýsymda kezekti zertteýlerdiń nátijesi alynǵanyn aitty.
«46 synamanyń 36-da «Delta» shtamy, 8-de «Alfa» shtamy jáne ekeýinde – ashylmaǵan mýtatsiia anyqtaldy. Zertteý nátijesine sáikes delta shtamynyń úles salmaǵy 78 paiyzdy quraidy», – dedi Sanitarlyq-epidemiologiialyq baqylaý departamentiniń basshysy.
Jandarbek Bekshin qala turǵyndary men qonaqtaryn halyq kóp jinalatyn oryndarǵa barmaýǵa, áleýmettik qashyqtyq pen betperde rejimin saqtaýǵa shaqyrdy.
Almatynyń bas sanitarlyq dárigeri koronavirýstyń jańa shtamynyń tez taralatynyn aityp, qala turǵyndaryna vaktsina alý kerektigin eske saldy.
