Foto: videodan skrinshot
Almatyda jedel járdem qyzmetkerlerine shabýyl jasaýǵa árekettengen er adam qamaýǵa alyndy, dep habarlaidy Ult.kz.
Buǵan deiin áleýmettik jelide meditsina qyzmetkerleri túsirgen video taraǵan bolatyn. Kadrlarda qolyna pyshaq ustaǵan er adamnyń jedel járdem kóliginiń esigin julqylap turǵany kórinedi. Onyń mas kúide bolǵany anyq baiqalady. Politsiia bul oqiǵanyń Jetisý aýdanynda bolǵanyn rastady.
Tártip saqshylarynyń málimetinshe, jedel meditsinalyq kómek brigadasy shaqyrtý boiynsha naýqasqa kelgen. Alaida sol jerde bolǵan naýqastyń uly mas kúiinde agressivti áreket jasap, ainalasyndaǵylardy qorqytyp, qolyndaǵy pyshaqty kórsetken.
Oqiǵa ornyna dereý politsiia shaqyrylyp, quqyq buzýshy ustaldy. Ol ýaqytsha ustaý izoliatoryna qamaldy. Qazirgi kezde Qylmystyq kodekstiń 380-3-baby boiynsha qylmystyq is qozǵaldy.
Aita keteiik, bul bap meditsina qyzmetkerlerine nemese jedel járdem júrgizýshisine kúsh qoldanǵany úshin jaýapkershilik qarastyrady. Mundai áreket úshin 200-den 500 AEK-ke deiin aiyppul salý, túzeý jumystary, 300 saǵatqa deiin qoǵamdyq jumysqa tartý nemese eki jylǵa deiin bas bostandyǵyn shekteý ne aiyrý jazasy qarastyrylǵan.
