Foto: QR DSM
Almatyda dárigerler salmaǵy shamamen 25 keli bolatyn alyp isikti alyp tastap, naýqastyń ómirin saqtap qaldy dep habarlaidy Ult.kz.
1957 jyly týǵan áiel birneshe ai boiy ishi qatty ulǵaiǵanyna qaramastan dárigerge júginbei, dástúrli emes em-dom tásilderine júgingen. Ol túrli biologiialyq belsendi qospalardy qabyldaǵanymen, isik kerisinshe tez óse bergen. Tipti týystarynyń aitýynsha, naýqas qospalar satyp alý úshin nesie de alǵan.
Jaǵdaiy kúrt nasharlaǵannan keiin ǵana ol Almaty onkologiialyq ortalyǵyna qaralǵan. Tekserý barysynda dárigerler naýqastyń ish jáne jambas qýysyn tolyq derlik alyp jatqan kólemi 55×35 santimetr bolatyn alyp isikti anyqtady.
Dárigerler shuǵyl ota jasaý týraly sheshim qabyldap, shamamen 2–2,5 saǵatqa sozylǵan kúrdeli operatsiia júrgizdi. Ota barysynda isik tolyq alyndy.
Alynǵan isiktiń salmaǵy shamamen 25 kelini qurady. Gistologiialyq zertteý nátijesinde qaterli isik – retroperitonealdy liposarkoma ekeni anyqtaldy.
Qazirgi ýaqytta naýqas himioterapiia qabyldap jatyr jáne dárigerlerdiń baqylaýynda.
Mamandar bul jaǵdai dárigerge der kezinde qaralýdyń mańyzyn eske salatynyn atap ótti. Ózdiginen emdelý men dáleldenbegen tásilderge sený densaýlyqqa úlken qaýip tóndiredi.
